Як қадам то раҳоӣ аз бунбасти коммуникатсионӣ

Душанбе, 25 октябр.(АМИТ «Ховар», Марзия Саидова).- «Имрӯз дар Тоҷикистон дар соҳаи нақлиёт 10 лоиҳаи муштараки инвеститсионӣ дар ҳаҷми зиёда аз 1,1 миллиард $ амрикоӣ ё 5,2 миллиард сомонӣ амалӣ шуда истодааст, мегӯяд Руҳуллоҳ Ҳакимов-муовини вазири молияи кишвар.   Бояд тазаккур дод, ки Ҳукумати Ҷумҳурии Тоҷикистон ҷиҳати татбиқи се ҳадафи стратегӣ -ноил гардидан ба истиқлолияти энергетикӣ, раҳоӣ аз бунбасти коммуникатсионӣ ва таъмини амнияти озуқаворӣ тадбирҳои мушаххас меандешад.  Муовини вазири молия афзуд, ки танҳо дар давоми соли 2013 ба иқтисодиёти кишвар 1,6 миллиард сомонӣ маблағҳои грантию қарзӣ ҷалб гардидаанд, ки аз ин 950 миллион сомонӣ ё 60%- аш барои рушд ва таҷдиди роҳҳои мошингард равона шудааст. Аз ин 474 миллион сомонӣ маблағи қарзӣ ва 476 миллион сомонӣ маблағи грантӣ мебошад.