ЮНЕСКО: Дастрасии донишҳои илмӣ тавассути ТИК

Октябрь 10, 2013 15:51

        Душанбе, 10 октябр. (АМИТ «Ховар»). — Шуъбаи Комиссияи миллии Ҷумҳурии Тоҷикистон оид ба корҳои ЮНЕСКО-и Вазорати корҳои хориҷии Ҷумҳурии Тоҷикистон ҷиҳати дастгирии сиёсати фарҳангии Ҳукумати кишварамон ва натиҷагирӣ аз вохӯрии Президенти Ҷумҳурии Тоҷикистон Эмомалӣ Раҳмон бо Дабири кулли ЮНЕСКО, хонум Ирина Бокова 20-22 августи соли ҷорӣ дар ҳамкорӣ бо Дафтари минтақавии  ЮНЕСКО-и Алмаато аз 17 то 19 -уми  октябри соли 2013 дар шаҳри Душанбе баргузории семинари омӯзиширо дар мавзӯи “Дастрасии донишҳои илмӣ тавассути технологияҳои иттилоотӣ ва коммуникатсионӣ” ба нақша гирифтааст.
Чуноне ки дар оинномаи ЮНЕСКО омадааст, фаолияти ин Созмон барои инкишофи илм, маориф, фарҳанг ва иттилоот бахшида шудааст. Яке аз ҳадафҳои асосии ЮНЕСКО ин бунёди ҷомеаи бомаърифат ва рушди дастрасии озод ба иттилоот ва дониш тавассути технологияи иттилоотӣ ва коммуникатсионӣ (ИКТ) мебошад.
Зимни семинари мазкур мавзуъҳои нақши ЮНЕСКО дар рушди муносибатҳои илмию фарҳангии Ҷумҳурии Тоҷикистон, дастрасӣ ба адабиёти илмӣ, фарҳангӣ ва техникӣ тавассути технологияи иттилоотию коммуникатсионӣ дар Китобхонаи миллии Тоҷикистон, китобхонаҳои рақамӣ ҳамчун усули дастрасӣ ба нашрияҳои илмӣ, имкониятҳои дастрасӣ ба иттилоот бо истифодаи технологияи коммуникатсионию иттилоотӣ  баррасӣ мегарданд. Барои иштирок дар  семинар зиёда аз 30 коршиносу намояндаи вазорату идораҳои дахлдор, мақомоти иҷроияи маҳаллии ҳокимияти давлатӣ, намояндагони соҳаи илму фарҳанг ва созмонҳои ҷамъиятии кишвар даъват шудаанд. 
Шуъбаи Комиссияи миллии Ҷумҳурии Тоҷикистон оид ба корҳои ЮНЕСКО минбаъд низ нақши ЮНЕСКО-ро дар  пешравии дастрасии озод ба донишу илм тавассути технологияи навини иттилоотӣ ва коммуникатсионӣ инчунин, таҳкими муносибатҳои илмию фарҳангии Тоҷикистон муҳим арзёбӣ намуда, яке аз самтҳои муҳими фаъолияти худ қарор хоҳад дод.
          Дар ин бора котиби масъули  ин ниҳод Шаҳло Абдураҳимова иттилоъ дод. 

Октябрь 10, 2013 15:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд