Қаноатмандӣ аз фаъолии ҷавонон

Душанбе, 13 ноябр. (АМИТ “Ховар”, Фарзона Ашӯрмадова).- Бо мақсади рушду густариши худшиносии миллӣ ва тарбияи ҷавонон дар руҳияи меҳанпрастӣ дар асоси банди 12-и Нақшаи фаъолияти Ҳаракати ҷамъиятии ваҳдати миллӣ ва эҳёи Тоҷикистон имрӯз дар Маркази фарҳангии ҷавонон «Ориёно» мулоқот бо донишҷўёну ҷавонон сурат гирифт.
Дар чорабинӣ раиси Ҳаракати ваҳдати миллӣ Қурбон Восеъ, Маликшо Неъматов, раиси Кумитаи ҷавонон, варзиш ва сайёҳӣ, Сумангул Тағоева, раиси  Кумитаи занон ва оила, Абдураҳим Холиқов, раиси Кумитаи оид ба корҳои дин иштирок намуда, перомуни худшиносии миллӣ ва нақши ҷавонони соҳибандеша дар густариши бахшҳои мухталиф ибрози андеша  намуданд.
Онҳо аз иштироки фаъоли ҷавонон дар интихоботи Президенти Тоҷикистон ва умуман дар бахшҳои мухталиф изҳори қаноатмандӣ карда, аз онҳо даъват ба амал оварданд, то дар масири худшиносии миллӣ қадамҳои устувор ниҳанд.