Ҳафтаи синамои Чин

Душанбе, 25 ноябр. (АМИТ «Ховар», Руқияи Боймамад).- Шуруъ аз 23 –юми ноябри соли ҷорӣ дар маркази «Вафо»-и пойтахт «Рӯзҳои синамои Чин» баргузор мегарданд. Таъсисдиҳандагони ин чорабинӣ, Сафорати Ҷумҳурии Мардумии Чин дар Ҷумҳурии Тоҷикистон, Маркази таълимии Конфутсийи назди Донишгоҳи Миллии Тоҷикистон ва ҷамъияти дӯстии «Тоҷикистон- Хитой» мебошанд. Таъсисдиҳандагон тасмим гирифтаанд, ки 6 филми беҳтаринро ба намоиш гузоранд. Дар доираи ин чорабинӣ филмҳои «Биҳишт дар назди баҳр», «Каратэи бачагона», «Цзин ҷой», «Хуа лик», ки аз фарҳанги волои мардуми Чин нақл мекунанд, ба тамошобинон пешкаш мешаванд.Бояд гуфт намоиши филмҳо то 26 ноябр давом мекунад. Вуруд ройгон аст .