Ҳавошиносон: «Фардо ҳаво гарму бебориш аст»

Ноябрь 15, 2013 14:57

              Душанбе, 15 ноябр.(АМИТ «Ховар», Марзия Саидова).-Ҳавошиносони кишвар иттилоъ медиҳанд, ки 16 ноябр дар ҷумҳурӣ ҳавои беборишу гарм боқӣ монда, ҳарорати ҳаво  рӯзона дар Душанбе 15-20 ва шабона 1-2 дараҷа гарм мешавад.  Бебориш  ва гарм пешгӯӣ кардани ҳавои рӯзи 16 ноябр аз сӯи ҳавошиносони ҷумҳурӣ дар ҳолест,  ки фардо дар Душанбе- пойтахти Тоҷикистон маросими савгандёдкунии  Президенти Ҷумҳурии Тоҷикистон доир гардида, ҳамзамон ба ифтихори ба фаъолият шуруъ кардани Президенти кишвар дар майдони  марказии Душанбе -«Дӯстӣ» гузашти низомӣ баргузор мегардад.
          Ҳамзамон 16 ноябр ҳарорати ҳаво дар вилояти Суғд шабона аз 1 дараҷа хунук то 1 дараҷа гарм, рӯзона 13-18 дараҷа гарм, вилояти Хатлон шабона 0-5 дараҷа гарм, рӯзона 18-23 дараҷа гарм, дар ноҳияҳои тобеи марказ шабона аз 1 дараҷа сард то 4 дараҷа гарм, рӯзона 15-20 дараҷа гарм мешавад. Ҳарорати ҳаво  дар ғарби Вилояти Мухтори  Куҳистони Бадахшон шабона 1-6 дараҷа сард, рӯзона  8-13 дараҷа гарм, дар шарқи ҳамин вилоят шабона 13-18 дараҷа хунук, рӯзона 0-5 дараҷа сард мешавад. 
           Парвина Саидҷамолова-мудири шуъбаи пешгӯии боду ҳавои Маркази обуҳавошиносии ҷумҳурӣ дар суҳбат ба хабарнигори АМИТ «Ховар» гуфт, ки  рӯзҳои 19-20 ноябр дар ҷумҳурӣ ҳавои тағйирёбанда дар назар дошта шуда, ҳарорати ҳаво паст мефарояд ва дар баъзе минтақаҳои кишварамон борон меборад. Дар водиҳои вилояти Суғд борон ба барфи тар мубаддал мегардад.  Рӯзҳои 21 -22 ноябр дар ҷумҳурӣ ҳаво бебориш боқӣ мемонад.

Ноябрь 15, 2013 14:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд