Ҳимматбаландиҳои соҳибкор

Шаҳринав, 25 ноябр. (АМИТ «Ховар», Ҳотам Рабиев).- Соҳибкори баландҳиммат Ҷӯрабек Сафаров 150 нафар хонандагони мактаб-интернати шаҳраки Шаҳринав ва мактаббачагон аз оилаҳои ниёзмандро аз мактабҳои таҳсилоти миёнаи умумии рақами 1,3 ва 45-ро бо либоси гарми зимистона таъмин намуд. Ин кори хайру савобро ӯ чандин сол боз идома медиҳад. Ин соҳибкори саховатманд мақсад дорад, ки рӯзҳои наздик ба сохтмони як мактаби нави замонавӣ шуруъ намояд. Хушбахтона, анъанаи неки шодравон Ҳоҷӣ Шариф Сафарзодаро фарзанди ӯ Ҷӯрабек Сафаров бомуваффақият идома медиҳад. Мавриди зикр аст, ки бо кӯмаки ин марди нексиришт чанде қабл дар маркази шаҳраки Шаҳринав як толори варзишии замонавӣ низ мавриди истифода қарор гирифт.