Ҷаласаи комиссияи ҳукуматӣ оид ба гузаронидани озмунҳо

Душанбе, 15 ноябр. (АМИТ «Ховар», Фарзона Ашӯрмадова).-Имрўз дар ҳузури Сарвазири мамлакат Оқил Оқилов ҷаласаи комиссияи Ҳукумати Ҷумҳурии Тоҷикистон  оид ба гузаронидани озмунҳо барои ҳуқуқи истифодаи қаъри замин баргузор шуд.
Дар ҷаласа натиҷаи озмунҳое, ки соли 2011 барои додани ҳуқуқи гузаронидани омўзиши гелогию  коркарди зуҳурот ва конҳои канданиҳои фоиданок баррасӣ гардида, оид ба лоиҳаи  фармоишҳои Ҳукумати Ҷумҳурии Тоҷикистон  дар бораи додани иҷозатномаи  ҳуқуқи  омўзиши гелогию  коркарди зуҳурот ва конҳои канданиҳои фоиданок, ки дар давоми солҳои 2012-2013 аз ҷониби мақомоти иҷроияи иҷозатномадиҳанда ба баррасии Ҳукумати ҷумҳурӣ пешниҳод гардидааст, ахбори аъзои комиссия шунида шуд.
Аъзои комиссияи ҳукуматӣ вазифадор гардиданд, ки фаъолияти хешро дар роҳи гузаронидани озмунҳо барои додани ҳуқуқи истифодаи қаъри замин тақвият бахшида, ҷиҳати гузаронидани гуфтушунидҳои мустақим бо довталабон ва муайян намудани шарту талаботи иҷозатномадиҳӣ тадбирҳои зарурӣ андешанд.