Ҷараёни муътадили овоздиҳӣ дар навоҳии Хатлон

Душанбе, 6 ноябр. (АМИТ «Ховар», С. Холов).- Дар ҳавзаҳои интихоботии ноҳияи Восеъ, ки 55 участкаи интихоботӣ дорад, 84 ҳазору 466 овоздиҳанда буда, аз ин 1699 нафарашон бори аввал иштирок мекунанд. Дар ноҳияи мазкур барои иштироки барҷомондагон ба интихоби президенти Тоҷикистон  27 қуттии сайёр амал мекунад, ки то ҳол 30 дарсад раъй додаанд.
Ҳамчунин дар ноҳияи Шӯрообод низ 51 ҳавзаи интихоботӣ амал дорад, ки то ба ҳол 65 дарсади раъйдиҳандагон овози худро ба номзади арзандаи худ додаанд. Барои барҷомондагон 33 қуттии сайёр ташкил ва барои ҷамъоварии раъй сафарбар гардидааст. 
Ҳамчунин дар ноҳияи Ховалингу Ҳамадонӣ 37 ва 44 участкаи интихоботӣ фаъолият дорад, ки иштирокчиён тавонистаанд то ба ҳол 75 ва  65 дарсад овози худро ба номзадҳои арзанда диҳанд.
Дар ноҳияи  Фархор низ аз 7340 нафар раъйдиҳанда 26,4 дарсад овози худро ба номзадҳои арзандаашон додаанд.