Ҷашни Рӯзи Парчам дар Суди конститутсионӣ
Душанбе, 25 ноябр. (АМИТ «Ховар»).- Маҷлиси тантанавӣ бахшида ба Рўзи Парчами давлатии Ҷумҳурии Тоҷикистон дар толори маҷлисгоҳи Суди конститутсионӣ бо иштироки судяҳо ва кормандони дастгоҳи Суд баргузор гардид. Раиси Суди конститутсионии Ҷумҳурии Тоҷикистон Маҳкам Маҳмудов ҳозиринро бо ин ҷашни пуршукуҳи умумидавлатӣ таҳният намуда, иброз дошт, ки Парчами давлатӣ яке аз рамзҳои муҳими нишондиҳандаи соҳибистиқлоли кишвар маҳсуб ёфта, таҷассумгари арзишҳои волои инсонӣ ва мақсаду мароми пешгирифтаи Тоҷикистони азизамон мебошад. Бинобар ин, имрўз ҳар як фарди худогоҳу худшинос бо ифтихор аз давлату давлатдории миллӣ бояд ҳамчун қарзи фарзандии худ рамзҳои давлатиро, ки дар як вақт муаррификунандаи кишвар дар арсаи ҷаҳонӣ мебошанд, эҳтиром ва арҷгузорӣ намояд.Зимни маҷлиси тантанавӣ ҳамчунин сармутахассис оид ба кор бо мактубҳо ва муроҷиатҳои шаҳрвандони Суди конститутсионии Ҷумҳурии Тоҷикистон Гулизор Сангова оид ба ҷабҳаҳои таърихии Парчами давлатӣ ва ташаккули низоми қонунгузорӣ вобаста ба рамзҳои давлатии Ҷумҳурии Тоҷикистон маърўза намуда, ҳозиринро бо ин ҷашн табрик намуд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
