Ҷашни Ташкилоти ҷамъияти мададгори мудофиа

Душанбе, 15 ноябр. (АМИТ«Ховар», Лайло Қосимова). -Ба муносибати 22 солагии Ташкилоти ҷамъиятии мададгори мудофиаи Ҷумҳурии Тоҷикистон дар толори кумита ҷаласаи тантанавӣ бо иштироки намояндагони Ҳукумати ҷумҳурӣ, Шӯрои амнияти кишвар ва вазорату кумитаҳо, инчунин Шӯрои собиқадорони ҷангу меҳнат баргузор гардид. Дар ҷаласа раиси кумита генерали гвардия Музаффар Гулмадов роҷеъ ба таърихи 22- соли мавҷудияти ташкилот маърӯза намуда, аз ҷумла, таъкид намуд, ки замони истиқлол ТҶММ бо симои нав зуҳур намуда собитқадамона марҳилаҳои рушди худро сипарӣ карда, ба созмони тавоно  табдил ёфт. 
Дар ин рӯз ба кормандони фаъоли соҳа ифтихорнома, мукофотҳои пулӣ ва туҳфаҳои арзишнок супурда шуд. 
Тавре ки котиби матбуоти кумита Абдурақиб Қодиров хабар дод, дар хотима аз ҷониби ҳунармандон барномаи консертӣ намоиш дода шуд.