Ҷилавгирии зӯроварӣ дар оила

Душанбе, 4 ноябр. (АМИТ «Ховар», Екатерина  Пасторова).- Дар   шаҳри  Душанбе  маросими  муаррифии  Барномаи  давлатӣ оид ба  ҷилавгирии  зӯроварӣ  дар  оила  барои   солҳои   2014 – 2023  баргузор  гардид. 
 
Мувофиқи  маълумоти Кумитаи   кор  бо  занон ва  оилаи   назди Ҳукумати  Ҷумҳурии  Тоҷикистон,  сарфи назар  аз  тадбирҳои  Ҳукумати  Тоҷикистон ҳодисаҳои  зӯроварӣ  дар  оила то  ҳол мушоҳида  мешаванд. Алҳол  дар миқёси  кишвар  105  маркази иттилоотию  машваратӣ  фаъолият  дошта,   дар  онҳо  равоншиносону ҳуқуқшиносон ба  зарардидагони   зӯроварӣ  дар  оила  ёрӣ  мерасонанд. 
 
Аксаран  қурбониёни  зӯроварӣ  дар  оила  ба  худкушӣ  даст  мезананд. Мувофиқи  маълумоти  расмӣ  дар   нимаи  аввали  соли  ҷорӣ  дар  Тоҷикистон 313  ҳодисаи  худкушӣ  ба  қайд  гирифта шудааст,  ки 164 — тои он  ба  занон  ва 35 – тоаш  ба  наврасон рост  меояд. 
 
Барномаи  нав  танзими   санадҳои  меъёрию  ҳуқуқӣ ва  роҳандозии чорабиниҳои   дорои  ҷилавгирӣ  ба  манзури  аз  байн  бурдани  чунин  ҳодисаҳо,  ҳамчунин  танзими  фаъолияти  мақомоти  давлатиро дар  назар  дорад.