Аввалин китоби бадеӣ барои наврасону ҷавонон
Душанбе, 29 ноябр (АМИТ «Ховар»).- Китоби тозанашри Ҳотам Файзуллоев аз аввалин сафари Президенти кишвар муҳтарам Эмомалӣ Раҳмон ба ноҳияи дурдасти Мурғоби Вилояти мухтори кўҳистони Бадахшон ва бахусус деҳаи Аличур қисса менамояд. Хонанда бо чараёни як сафари кории Президенти кишвар дар солҳои аввали истиқлолияти кишвар дар соли 1995 ошно мегардад.Китоби «Дидор аз Мурғоб»-и Ҳотам Файзуллоев барои хонандагони гуногун, аз ҷумла хонандагони мактабҳои миёна ва наврасону ҷавонони синни гуногун барои мутолиа тавсия гардидааст.Китоби «Дидор аз Мурғоб»- Ҳотам Файзуллоев аввалин китоби бадеие аст, ки дар мавриди фаъолиятҳои Президенти мамлакат муҳтарам Эмомалӣ Раҳмон нақл менамояд. Ин китоб бо тарз ва усули бадеӣ иншо гардида, барои дарк ва фаҳмиши насли наврас мувофиқ мебошад.Китоби «Дидор аз Мурғоб» бо ду забон тоҷикӣ ва англисӣ чоп гардидааст. Тарҷумаи забони англисии китоб метавонад доираи хонандагони ин китобро берун аз кишвар низ васеътар намуда, барои муаррифии кишвар ва бахусус, фаъолиятҳои Сарвари давлат дар солҳои душвори аввали истиқлолияти Ҷумҳурии Тоҷикистон саҳмгузор бошад.Ҳотам Файзуллоев ба ҳайси сармутахассиси шуъбаи муносибатҳои байналмилалии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон фаъолият дорад. Ин дуюмин китоби ў буда, то ин ҷониб китоби аввали ў бо номи «Амрико ва ҷомеаи шаҳрвандӣ» низ ба чоп расидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






