Аз ҳар гектар 70 сентерӣ шолӣ

Душанбе, 21 ноябр. (АМИТ «Ховар», Гулбаҳор Худойбердиева).-Хоҷагии деҳқонии ба номи Шамсӣ Назаров яке аз хоҷагиҳои машҳури шолипарварии ноҳияи Панҷакент мебошад. Сарвари ин хоҷагӣ Пиримқул Халилов дар суҳбат ба хабарнигори АМИТ «Ховар» гуфт, ки 75 гектар замини шоликорӣ дар ихтиёри 900 нафар саҳмдор аст. Шоликорони хоҷагӣ асосан шолии навъҳои «Нуқус», «Марҷон», «Девзира», «Регар», «Гулизор»-ро кишт карда, ҳосили дилхоҳ ба даст меоранд.Соли гузашта шоликорон аз ҳар гектар ба ҳисоби миёна 75 сентнерӣ шолӣ ба даст оварданд. Имсол низ ҳосили фаровон парвариш карда шуд. Саҳмдорон ҷамъоварии ҳосилро асосан ба охир расониданд. Дараву кӯфтани шолӣ ба тариқи дастӣ анҷом дода мешавад. Шоликорон ба он сайъ доранд, ки аз ҳар як гектари шолӣ 80 сентнерӣ ҳосил ба даст оранд.