Беш аз 25 миллион $ барои рушди соҳаи маориф
Душанбе, 26 ноябр.(АМИТ «Ховар», Марзия Саидова).- Созишномаи қарзӣ байни Ҷумҳурии Тоҷикистон ва Фонди Саудии Рушд оид ба татбиқи лоиҳаи «Сохтмон ва таҷҳизонидани мактабҳои миёна»-ро 26 ноябр вакилони палатаи поёнии Парлумони Тоҷикистон дар иҷлосияи панҷуми Маҷлиси намояндагон ба тасвиб расонданд. Руҳуллоҳ Ҳакимов -муовини вазири молияи ҷумҳурӣ санади мазкурро шарҳ дода гуфт, ки бобати татбиқи ин лоиҳа 25 миллиону 750 ҳазор $, аз ҷумла аз ҳисоби Фонди Саудии Рушд 25 миллион $ ва аз ҳисоби Ҳукумати Ҷумҳурии Тоҷикистон 750 ҳазор $ муайян гардидааст. Муҳлати қарз 25 сол, давраи имтиёзноки пардохти қарзи асосӣ 5 сол, меъёри фоизи хизматрасонӣ 1 %- и солона муқаррар гардидааст. Созишномаи мазкур аз ҷониби Вазорати молияи Тоҷикистон ва Фонди Саудии Рушд 19 августи соли 2013 дар шаҳри Душанбе ба имзо расонида шуда ва хизматрасонии қарзҳо аз ҳисоби Буҷети давлатӣ ба уҳдаи Ҳукумати Ҷумҳурии Тоҷикистон гузошта шудааст. Бо пешниҳоди Ҳукумати Ҷумҳурии Тоҷикистон ва бо дастгирии Фонди Саудии Рушд дар соли 2004 лоиҳаи сохтмон ва таҷҳизи мактабҳо омода гардид, ки марҳилаи якуми он сохтмон ва таҷҳизи се мактаби миёнаро дар ноҳияҳои Ваҳдат, Турсунзода ва Панҷ дарбар гирифта, солҳои 2004-2009 амалӣ гардонида шудааст. Марҳилаи дуюми лоиҳаи мазкур сохтмон ва муҷаҳҳазгардонии 5 мактаби миёнаро дар ноҳияҳои Ҳисор, Ваҳдат, Фархор, Бохтар ва шаҳри Душанбе дарбар гирифта, алҳол дар сатҳи амалишавӣ қарор дорад ва дар назар аст, ки он то соли 2015 пурра ба анҷом расад. Ҳадафи лоиҳаи мазкур рушд ва беҳтар намудани таҳсилоти умумӣ ва қонеъ гардонидани талаботи мамлакат ба низоми таҳсилот тавассути сохтмон ва таҷҳизонидани мактабҳо дар ноҳияҳои мухталифи кишвар мебошад, зеро тибқи нақша дар марҳилаи сеюми татбиқи лоиҳа бинои 15 мактаб дар ноҳияҳои Восеъ, Мирсаид Алии Ҳамадонӣ, Ёвон, Норак, Ҷилликӯл, Данғара, Кӯлоб, Шӯрообод, Фархор, Бохтар Панҷакент ва Айнӣ сохта ва муҷаҳҳаз гардонида шуда, то охири соли 2016 ба истифода дода мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






