Боздиди ҳайати ФР аз Маркази сагпарварии АНМН
Душанбе, 25 ноябр. (АМИТ «Ховар», Лутфия Эшонқулова).- Ҳайати байниидоравии Федератсияи Русия бо иштироки ҳамоҳангсози доимии СММ, намояндаи доимии Барномаи рушди СММ дар Тоҷикистон Александр Зуев дар ҳошияи сафари расмӣ ба Ҷумҳурии Тоҷикистон аз Маркази миллии таълимии хадамоти сагпарварии Агентии назорати маводи нашъаовари назди Президенти ҶТ боздид намуд. Мувофиқи хабари маркази матбуоти Агентии назорати маводи нашъаовар, мақсад аз сафари ҳайат арзёбии натиҷаи мусоидат ба муайян намудани самтҳои дурнамои ҳамкорӣ мебошад. Ҳайат бо сохтори Маркази сагпарварӣ, тарҳрезӣ ва ташкили фаъолияти он, ҳамчунин ҷиҳатҳои истифодаи амалии сагҳои хидматӣ барои пайдо намудани маводи нашъаовар мебошад. Директори Агентии назорати маводи нашъаовар зикр намуд, ки алҳол муассисаҳои мухталифи СММ ва кишварҳои мададгор пешниҳодро дар мавриди дар Ҷумҳурии Тоҷикистон таъсис додани Маркази такмили ихтисоси кормандони сохторҳои зидди маводи нашъаовари Ҷумҳурии Тоҷикистон ва Ҷумҳурии Исломии Афғонистон баррасӣ менамоянд. Роҳбари Агентии назорати маводи нашъаовар ҳамчунин таваҷҷӯҳи аъзои ҳайатро ба ҳамкории байни Федератсияи Русия ва Ҷумҳурии Тоҷикистон дар мубориза бо гардиши ғайриқонунии маводи нашъаовар дар ҳошияи Созишномаи байниҳукуматӣ ҷалб намуда, перомуни саҳми Ҷумҳурии Тоҷикистон ба мубориза бо маводи нашъаовар дар минтақаи Осиёи Марказӣ муфассал нақл кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






