Бозгашти ҳайати Тоҷикистон аз Лаҳистон
Душанбе, 5 ноябр. (АМИТ «Ховар», Кристина Эрлих).- Чанд рӯз пеш курси таълимии гуруҳи намояндагони вазорату идораҳои Тоҷикистон дар ҳошияи лоиҳаи «Дастгирии Тоҷикистон дар бахши рушди корхонаҳои хурду миёна — омӯзиши таҷрибаи Лаҳистон» анҷом ёфт.
Тавре ки аз маркази матбуоти Палатаи савдо ва саноати ҶТ хабар доданд, Агентии рушди соҳибкории Лаҳистон барои ҳайати Тоҷикистон семинар ташкил намуд, ки дар он шиносоӣ бо фаъолияти Агентии рушди соҳибкории Лаҳистон сурат гирифта, ҳамчунин дар бораи хазинаҳои қарздиҳандаи Лаҳистон, минтақаҳои махсуси иқтисодӣ ва ғайра иттилоот дода шуд.
Дар Вазорати иқтисодиёти Лаҳистон бо муовини Вазири иқтисод Гражина Хенслевская мулоқот баргузор гардида, зимни он меҳмонон бо сиёсати бахши соҳибкорӣ, ислоҳоти доимӣ ва вазъи иқтисодиёти Лаҳистон шинос карда шуданд. Ҳамчунин масоили ҳамкории иқтисодии байни Лаҳистону Тоҷикистон мавриди муҳокима қарор гирифтанд. Соли 2012 муомилоти моли байни ҳар ду кишвар 21 миллион доллари ИМА – ро ташкил дод. Аз Лаҳистон ба Тоҷикистон шакар, маснуоти ороишӣ, қаннодӣ, мебел ва мошинҳои гуногун ворид гардида, Тоҷикистон ба Лаҳистон пахта, калоба, матоъ ва алюминий мефиристад.
Аҳд шуд, ки соли 2014 дар шаҳри Душанбе намоишгоҳи маҳсулоти соҳибкорони Лаҳистон кушода шавад. Марҳилаи ояндаи лоиҳа иборат аз гузаронидани семинарҳо дар шаҳри Душанбе мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






