Чанд хабар аз хориҷи кишвар

Ноябрь 7, 2013 16:09

Сабӯкдӯш кардани 2 низомӣ аз вазифа
     Душанбе, 7 ноябр. (АМИТ «Ховар»).- Ду нафар низомии Кения бо ҷурми даст доштан  дар амалҳои ғоратгарии  ҳодисаи фоҷиабор, ки дар маркази савдои «Уэстгейт» — и шаҳри Найроби сурат гирифт, аз вазифа сабукдўш гардиданд. Аз наворҳои дастгоҳҳои наворбардории махфӣ маълум мегардад, ки гумонбарон тайи 4 рўзи хунрезӣ дар дохили маркази савдо бо борхалтаҳо ашёи гуногун ва дигар лавозимоти маҷмааи тиҷоратиро рабудаанд. Дар ин самт тафтишот  идома дорад.
Нуқта ба баҳс
Душанбе, 7 ноябр. (АМИТ «Ховар»).- Додгоҳи Олии Аргентина Қонун «Дар бораи фаъолияти васоити ахбори омма»-ро, ки он соли 2009- ум қабул шуда буд, конситутсионӣ эълон кард. Ҳамин тавр, Додгоҳи олӣ қарор кард, ки иҷозати пахши барномаҳои 200 шабакаи телевизион ва радиоӣ аз медиахолдинги «Коларин» ба ихтиёри дигар ниҳоди иттилоотӣ дода шавад. Бо ҳамин ба баҳсҳои доманадори ҳукуматдорон ва бузургтарин медиахолдинги мухолифини «Коларин» нуқта гузошта шуд. 
             Нооромӣ  дар Конго
Душанбе, 7 ноябр. (АМИТ «Ховар»).- Ба сарбозони Артиши миллии Ҷумҳурии Демократии Конго муяссар шуд, ки дар ҳамдастӣ бо нерўҳои ҳомии сулҳи СММ чанд шаҳрро аз тасарруфи силоҳбадастон озод намоянд. Мувофиқи иттилои расида, бархўрдҳои шадид асосан дар байни Артиши миллии Конго ва нерўҳои ҳомии СММ бо силоҳбадастони ҳаракати «М-23» сурат гирифтааст.  Алҳол даргириҳо бештар дар минтақаҳои  наздисарҳадии Конго бо Уганда, бахусус кисми шарқии мамлакат ба назар мерасанд. 
Бетартибӣ дар  Бразилия
Душанбе, 7 ноябр. (АМИТ «Ховар»).- Дар шаҳри Сан-Паулуи Бразилия аҳолӣ даст ба бетартибӣ зад. Коршиносон ин амали шаҳрвандонро бинобар сабаби аз ҷониби корманди мақомоти полис ба ҳалокат расондани навраси 17-сола рабт медиҳанд. Сокинони шаҳри Сан-Паулу иброз медоранд, ки корманди мақомоти полис қасдан ба сўи наврас оташ кушодааст. Мақомоти полис мегӯянд, ки ин ҳодиса тасодуфан рух додааст. Кормандони мақомоти қудратӣ 90 тан иштирокчии  бетартибиҳоро боздошт намуданд. 
           Тарҷумаи Иброҳими Ҳабибулло

Ноябрь 7, 2013 16:09

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд