Дар Қӯрғонтеппа Рӯзи Сарқонунро ид карданд

Қӯрғонттеппа,  7 ноябр. (АМИТ «Ховар», Мурод   Сотиев).-  6  ноябр  раиси   вилояти  Хатлон  Ғайбулло  Афзалов  сокинони   вилоятро  бо  Рӯзи  Сарқонун  муборакбод  кард. Мавсуф  дар   маросими ботантана   зикр  намуд, ки  «эҳтироми Сарқонун ва қонунҳои  амалкунанда  вазифаи  муқаддаси  ҳар  шаҳрванд буда,  бояд  ҳар  кадоми  мо   барои  тарбияи   насли  наврас,  рушди  маънавият,  риояи  арзишҳои  умумиинсонию  миллӣ,  тарбияи  ҷавонон  дар  рӯҳи  ватандӯстӣ  саъю  кӯшиш   намоем. Мо  фақат  бо  ҳамин  васила  иҷрои  талабҳои  Сарқонунро таъмин  намуда,  ба  марраҳои  нави  иҷтимоию  иқтисодӣ  расида метавонем».
 
Дар  яке  аз  майдонҳои  марказии   шаҳри  Қӯрғонтеппа бо  иштироки  гуруҳҳои  эҷодкори  вилоят  барномаи   калони  консертӣ  намоиш  дода шуд.