Дар Шаҳринав зиёда аз 60 фоиз овоз доданд

 Душанбе, 6 ноябр. (АМИТ «Ховар», С. Солеҳ).- Тибқи иттилои Абдуманнон  Ғаниев, раиси ҳавзаи интихоботии № 17-и ноҳияи Шаҳринав, то соати 11-и рўз  60,5 фоиз  овоздиҳандагон раъйи  худро доданд.  Ғаниев  мегӯяд,  ҳоло райъдиҳӣ ҷараён дорад ва  то ин соатҳо  ин рақам то 70-75 фисад афзоиш ёфтааст. 
  Аз участкаҳои интихоботии ин минтақа низ мегӯянд, ҷалби интихобкунандагон барои райъдиҳӣ нисбатан бештар шудааст, ба хусус тибқи иттилои Абдухолиқ Маҳкамов, раиси участкаи интихоботии №5-и ин ноҳия  ҷавонон барои райъдиҳӣ рағбати бештар доранд.
  Тибқи иттилои манбаъ дар ин ҳавза 63 ҳазору 359 нафар  овоздиҳанда ба қайд гирифта шуда, онҳо аз тариқи 34 участкаи интихоботӣ ба номзади арзандаи худ раъй  медиҳанд.