Дастовардҳои варзишгарони «Динамо» дар ИМА
Душанбе, 27 ноябр. (АМИТ «Ховар»).-Варзишгарони Шӯрои ҷумҳуриявии «Динамо» ҳамасола дар мусобиқаҳои дохиливу байналмилалӣ баромад намуда, бо маҳорати баланди касбии худ ҳарифонро мағлуб намуда, обрӯ ва шарафи кишварамонро баланд мебардоранд. Тавре ки сомонаи расмии ВКД хабар медиҳад, ду тан варзишгар — муаллимони варзиши қисми низомии 5453-и Раёсати қӯшунҳои дохилии Вазорати корҳои дохилӣ лейтенанти калон Хусрав Ғиёсов ва лейтенант Алишер Гулов ба соҳаи варзиш маҳз ҳангоми хизмат ба Модар-Ватан, ки дар қисми низомии мазкур адо намудаанд, шавқу рағбати бештар пайдо намуда, байни ҳамхизматон бо машқҳои гуногуни варзишӣ ба обутоби бадан машғул шуда, сазовори таҳсину офарин гардиданд. Хусрав Ғиёсов дар мусобиқаҳои байналмилалӣ оид ба таэквандо ВТФ соли 2013 дар ИМА дар вазни 68 килограмм иштирок намуда, сазовори ҷойи якум, дар мусобиқаи байналмилалӣ байни ИМА сазовори ҷойи дуюм, дар мусобиқаи байналмилалӣ байни ИМА соҳиби ҷойи якум ва дар мусобиқаи байналмилалӣ байни давлатҳои Осиё ва Уқёнуси Ором ҷойи якумро ишғол намуда, иштирокчии чемпионати ҷаҳон дар шаҳри Гуеблои давлати Мексика мебошад.Алишер Гулов дар мусобиқаҳои байналмилалӣ оид ба таэквандо ВТФ соли 2013 дар ИМА дар вазни 87 килограмм иштирок намуда, соҳиби ҷойи якум, дар мусобиқаи байналмилалӣ байни давлатҳои Осиё ва Уқёнуси Ором ду маротиба сазовори ҷойи якум, дар мусобиқаи байналмилалӣ (лига) дар давлати Мексика сазовори ҷойи аввал гашта, иштирокчии чемпионати ҷаҳон дар шаҳри Гуеблои давлати Мексика мебошад.Қобили зикр аст, ки бо дастгирии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон тӯли 10 моҳе, ки ин варзишгарон дар ИМА қарор доштанд, оид ба таэквандо дар байни наврасон семинарҳо гузаронида, моҳият ва аҳамияти ин соҳаи варзишро ба онҳо фаҳмониданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






