Давраи тарғибу ташвиқот анҷом меёбад

Ноябрь 4, 2013 15:30

           Душанбе, 4 ноябр.(АМИТ «Ховар», Марзия Саидова).- Имрӯз, 4 ноябр охирин рӯзи тарғибу ташвиқи барномаҳои пешазинтихоботии номзадҳо ба мансаби Президенти Ҷумҳурии Тоҷикистон мебошад. Тавре ки аз Комиссияи марказии интихобот ва раъйпурсии ҷумҳурӣ ба АМИТ «Ховар» иттилоъ доданд, тибқи меъёрҳои  қонунгузории Тоҷикистон фардо, 5 ноябр ягон номзад ба мансаби Президенти Ҷумҳурии Тоҷикистон ва шахси боэътимоди онҳо ҳуқуқ надорад тарғиботу ташвиқот барад ё бо интихобкунандагон вохӯрию мулоқот анҷом диҳад. 
           Бояд тазаккур дод, ки дар интихоботи Президенти Ҷумҳурии Тоҷикистон, ки 6 ноябри соли 2013 баргузор мегардад, 6 номзад барои ноил гардидан ба мансаби Президенти Ҷумҳурии Тоҷикистон бо ҳам рақобат менамояд. Номзадҳо ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон Президенти феълии кишвар Эмомалӣ Раҳмон, аз Ҳизби Аграрии Тоҷикистон Толиббек Бухориев,  Олимҷон Бобоев –роҳбари Ҳизби ислоҳоти иқтисодии Тоҷикистон,  Исмоил Талбаков аз Ҳизби коммунистии Тоҷикистон, Абдуҳалим Ғаффоров-роҳбари Ҳизби сотсиалистии Тоҷикистон ва Саидҷаъфар Усмонов аз Ҳизби демократи Тоҷикистон мебошанд.

Ноябрь 4, 2013 15:30

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд