Даври ниҳоии озмуни «Донишҷўи сол — 2013»
Душанбе, 13 ноябр. (АМИТ «Ховар», Сабоҳат Қадамова).- Даври ниҳоии озмуни навбатии «Донишҷўи сол — 2013» 23 ноябри соли равон байни донишҷўёни муассисаҳои таҳсилоти олии касбии ҷумҳурӣ дар Донишгоҳи давлатии тиҷорати Тоҷикистон баргузор мегардад.
Гуфта мешавад, ки даври аввали озмун дар макотиби олии кишвар баргузор гардида, ғолибони он аз ҳар мактаби олӣ як нафарӣ ба даври ниҳоӣ бо пешниҳоди роҳбарони макотиби олӣ роҳхат мегиранд.
Ҳамасола дар озмун аз мактабҳои олии шаҳрҳои Хуҷанд, Кўлоб, Қўрғонтеппа, Хоруғ ва шаҳри Душанбе донишҷўёни беҳтарин ширкат менамоянд.
Мутобиқи иттилои сардори Раёсати кор бо ҷавонони кумита Носир Бўриев тибқи тартиби баргузорӣ сараввал аз толибилмон диктант бо забони давлатӣ гирифта шуда, сипас ба онҳо як саволӣ дар доираи фанҳои ҷамъиятшиносӣ, сиёсати давлатии ҷавонон пешниҳод мешавад, ки ба саволҳои пешниҳодшуда довталабон ба таври хаттӣ ҷавоб пешниҳод менамоянд. Ҳамчунин омўзгорон аз тариқи тестӣ дониши забонӣ ва технологияи муосири довталабонро мавриди санҷиш қарор медиҳанд.
Ғолибони озмун ва тамоми иштирокчиёни он бо диплом ва туҳфаҳои хотиравӣ сарфароз мегарданд.
Мақсад аз баргузории озмуни «Донишҷўи сол» дар байни донишҷўёни макотиби олии ҷумҳурӣ дарёфти донишҷўи беҳтарин, ҳавасманд ва тарбия намудани донишҷўёни кишвар дар руҳияи илмдўстӣ, меҳанпарастӣ, хештаншиносӣ ва ифтихори миллӣ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






