Гароишҳои идеологӣ дар муҳити ҷавонон ва дурнамои он

Душанбе , 14 ноябр. (АМИТ Ховар, Фотима Қувватова)  Дирӯз  бо ташаббуси  Маркази тадқиқоти стратегии назди Президенти ҶТ мизи гирди таҳлилию тавсиявӣ дар мавзўи  «Гароишҳои идеологӣ  дар муҳити ҷавонон ва дурнамои он» баргузор шуд. Дар он доираи васеи олимон, коршиносон, соҳибкорон, масъулони идории кишвар ва раиси Шўрои уламои ҷумҳурӣ  Саидмукаррами Абдулқодирзода иштирок намуданд.     
       Муовини директори Маркази тадқиқоти стратегии назди президенти ҶТ Сайфулло Сафаров гуфт, ки давлату Ҳукумати ҶТ ташаббусҳои идеологии ҷавононро  дар кишвар дастгирӣ  намуда, барои дар оянда бо назардошти ҷалби техника ва технологияи муосир ба тафаккури давлатдорию давлатсозӣ ноил шудан шароит фароҳам овардааст.  Дастовардҳои  чанд соли  охир гувоҳи онанд, ки ҷавонони  ҷомеаи шаҳрвандии  мо дар бахшҳои технологӣ, зиракӣ дар мавриди шинохти ифротгароӣ ва террористӣ муваффақ шудаанд. 
.