Гузориш дар мавзӯи «Аҳолии ҷаҳон»
Душанбе, 21 ноябр. (АМИТ «Ховар», Фарзона Достонзода).- 20 ноябр дар шаҳри Душанбе гузориши «Аҳолии ҷаҳон дар соли 2013» дар мавзӯи «Модару фарзанд: масоили мубрами ҳомиладории наврасон» шунида шуд. Тавре ки аз намояндагии UNFPA дар Тоҷикистон хабар доданд, ин чорабинӣ дар ҳошияи муаррифии ҳисобот дар мавзӯи «Таҳқиқи тиббию демографии Тоҷикистон дар соли 2012» роҳандозӣ шуд. Тадқиқот аз ҷониби Агентии оид ба кӯмаки байналмилалии ИМА ва Хазинаи аҳолии СММ сурат гирифта буд. Дар гузориши «Аҳолии ҷаҳон дар соли 2013» масоили асосии марбут ба ҳомиладории наврасон ва таъсири манфии он ба таҳсилот, тандурустӣ, имконияти иҷрои кор ва ояндаи духтарон зикр ёфтаанд. Ба иштироккунандагони ҷамъомад аз рӯи натиҷаи ҳисоботи минтақавии намояндагии UNFPA дар мавриди ҳомиладории наврасон ва таваллуд дар Осиёи Марказӣ иттилоот дода шуд. Дар он гуфта мешавад, ки вақтҳои охир теъдоди аҳди никоҳи шахсоне, ки синнашон ба 18 нарасидааст, меафзояд.
23 июл дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
