Иҷлосияи 37 – уми Конфронси генералии ЮНЕСКО

Ноябрь 11, 2013 11:37

Душанбе, 11 ноябр. (АМИТ «Ховар»).- Чанде пеш дар қароргоҳи ЮНЕСКО воқеъ дар шаҳри Париж иҷлосияи 37 – уми Конфронси генералии Созмони Милали Муттаҳид аз рӯи масоили маориф ва илму фарҳанг оғоз ёфт. Дар кори иҷлосия, ки то 20 ноябр давом мекунад, ҳайати расмии Чумҳурии Тоҷикистон бо роҳбарии муовини Сарвазири кишвар Руқия Қурбонова ширкат дорад. Ба ҳайати Тоҷикистон ҳамчунин раиси Комиссияи миллии Тоҷикистон оид ба умури ЮНЕСКО, Вазири фарҳанг Мирзошоҳрух Асрорӣ, намояндаи доимии Тоҷикистон дар ЮНЕСКО, сафир Рустамҷон Солиев ва муншии масъули Комиссияи миллӣ оид ба умури ЮНЕСКО Шаҳло Абдураҳимова шомиланд.Дар ҷараёни иҷлосия иштирокдорони он ҷиҳатҳои муҳими фаъолияти Созмон дар бахши илм, маориф, фарҳанг, коммуникатсия ва иттилоотро баррасӣ намуда, масъалаҳои сиёсати умумиро мавриди муҳокима қарор медиҳанд, лоиҳаи барнома ва буҷети ЮНЕСКО барои солҳои 2014 – 2017 – ро тасдиқ мекунанд. Ғайр аз ин интихоботи мақомоти дахлдори ЮНЕСКО аз қабили Шӯрои иҷроия, Кумитаи мероси умумиҷаҳонӣ, Шӯрои байниҳукуматӣ ва ғайра сурат мегирад. Дар иҷлосия баробари масоили сиёсати умумӣ масъалаҳои ба рӯйхати санаҳои хотиравӣ ворид намудани таҷлили 3000 – солагии Ҳисор, 700 – солагии Мирсаид Алии Ҳамадонии ва 600 – солагии Абдураҳмони Ҷомӣ, ки бояд дар солҳои 2014 – 2015 бо иштироки ЮНЕСКО қайд карда шаванд, мавриди баррасӣ қарор мегиранд.Дар ҳошияи иҷлосияи Конфронси генералӣ суханронии роҳбари ҳайати расмии Ҷумҳурии Тоҷикистон, муовини Сарвазири кишвар Руқия Қурбонова дар назар аст. Ҳамчунин мулоқоти дуҷонибаи ҳайати Тоҷикистон бо Директори генералии ЮНЕСКО Ирина Бокова сурат мегирад.

Ноябрь 11, 2013 11:37

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд