Ифтитоҳи шуъбачаи шаҳрии милитсияи «Шодиёна»
Душанбе, 11 ноябр. (АМИТ «Ховар», Лутфия Эшонқулова).-Бахшида ба иди касбии кормандони милитсия дирӯз шуъбачаи шаҳрии милитсияи «Шодиёна»-и шуъбаи Вазорати корҳои дохилии Ҷумҳурии Тоҷикистон дар ноҳияи Фирдавсии пойтахт ба истифода дода шуд.
Дар маросими ифтитоҳи шуъбача вазири корҳои дохилӣ Рамазон Раҳимов, раиси ноҳияи Фирдавсӣ Саиднуриддин Алиев, сардорони раёсатҳо, ҳайати шахсӣ ва дружиначиёни ихтиёрӣ ва аҳли ҷамоатчигии минтақа иштирок намуданд.
Тавре ки сомонаи расмии ВКД хабар медиҳад, зимни азназаргузаронии ҳуҷраҳои корӣ аз таҷҳизоти замонавие, ки барои фаъолияти хизматӣ муҳаё гардидаанд, вазири корҳои дохилӣ изҳори қаноатмандӣ намуд.
Бояд зир кард,ки бинои мазкур иборат аз се ошёна ва таҳхона буда, барои 19 нафар корманди милитсия пешбинӣ гардида, дар он қисми навбатдорӣ, ҳуҷраи қабули шаҳрвандон, толори варзишӣ, маҷлисгоҳ, ҷойи хӯрокхурӣ ва шароитҳои маишӣ мавҷуданд.
Зимни ҳамсуҳбат шудан бо кормандони шуъбачаи мазкур вазири корҳои дохилӣ таъкид намуд, ки ҳамкориро бо аҳолӣ зичтар намуда, доимо бо онҳо дар робитаи наздик қарор дошта бошанд.
Мавриди зикр аст, ки шуъбачаи шаҳрии милитсияи «Шодиёна» дар гузаргоҳи 4-уми кӯчаи Матросови ноҳияи Фирдавсӣ қарор дошта, барои хизмат расонидан ба 50 ҳазор нафар аҳолӣ пешбинӣ гардидааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






