Интихоботи озод, шаффофу демократӣ- мароми мост!
Душанбе, 4 ноябр. (АМИТ «Ховар»).- 2 ноябри соли 2013 дар шаҳри Рязани Русия бо мақсади дар сатҳи баланд доир намудани интихоботи Президенти Ҷумҳурии Тоҷикистон ҷаласаи якҷояи раисони ҷамъиятҳо ва аъзои комиссияи интихобии №44, инчунин хамватанони бурунмарзии муқими шаҳри Рязан доир гардид. Раиси Маркази фарҳангии тоҷикон дар вилояти Рязан Азим Махсумов оид ба баргузории интихобот ва даъвати шахрвандони Тоҷикистон, ҳузури фаъоли онҳо дар ин чорабинии муҳими сиёсӣ, ҳамчунин таҳияи нақшаи чорабиниҳо ҷиҳати расонидани хабарнома барои тамоми муҳоҷирони меҳнатӣ — шахрвандони ҶТ, ки дар вилояти Рязан ва шахру ноҳияи он фаъолият доранд, мулоҳизаронӣ намуд.Зимни мулоқот бо роҳбарони диаспораҳо ва ҳамватонони бурунмарзӣ аз тарафи раиси участкаи интихоботии №44 ҷиҳати иштироки шаҳрвандон — муҳоҷирони меҳнатӣ дар рӯзи 6-ноябр ва риояи тартибу интизом ва ҷараёни баргузории интихобот, инчунин иҷрои ухдадориҳои муайян гардида, барои ҳар як ҷамъият ва шахсони алоҳида таъкид гардид. Зикр шуд, ки интихоботи озод, шаффофу демократӣ мароми мост! Интихобот дар низоми демократӣ аз рукнҳои асосӣ ва ниҳодест, ки ифодаи ирода ва идораи давлатро таъмин менамояд.Ҷумҳурии Тоҷикистон баъди ба даст овардани истиқлолият ҳамчун давлати соҳибихтиёр, ҳуқуқбунёд, дунявӣ ва ягона роҳи демократии тараққиётро пеш гирифт ва тибқи Конститутсия барои ҳар як инсон фароҳам овардани шароити зиндагии арзанда ва инкишофи озодонаро мароми бунёдии худ эълон намуд.Дар хатми ҷаласа таъкид гардид, ки тоҷикони вилояти Рязан бо эҳсоси баланди масъулият ва адои қарзи ватандорӣ чорабинии муҳими сиёсӣ- Интихоботи Президенти Ҷумҳурии Тоҷикистонро дар сатҳи баланд гузаронида, ба ҷонибдории номзади арзандаи худ овоз хоҳанд дод.Дар ин бора аз шуъбаи робита ба ҷомеаи Хадамоти муҳоҷирати назди Ҳукумати ҶТ хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






