Истеҳсоли намаки йоднок дар «Хоҷа Муъмин»
Восеъ, 30 ноябр. (АМИТ «Ховар», С. Холов).-Олимон исбот намудаанд, ки кони намаки Хоҷамуъмин, ки яке аз бузургтарин конҳои намак дар ҷаҳон ба шумор меравад, метавонад як аср аҳолии курраи заминро бо намак таъмин намояд. Барои истеҳсоли намаки хушсифат аз кони мазкур дар даҳаи сеюми моҳи октябр дар ноҳияи Восеъ Ҷамъияти саҳомии «Хоҷа Муъмин» корхонаи коркарди намаки хушсифатро муҷаҳҳаз бо таҷҳизоти муосир мавриди истифода қарор дод. Корхонаи мазкур аллакай дар давоми 12 рӯзи фаъолият беш аз 200 тонна намаки хушсифати йоднок кардашуда истеҳсол намудааст, ки сифати маҳсулоташ ба меъёрҳои ҷахонӣ ҷавобгӯ мебошад. Дар айни замон дар корхона 50 нафар сокинони маҳаллӣ бо ҷои кори доимӣ таъмин гардидаанд, ки панҷоҳ фоизи онҳоро занону духтарон ташкил медиҳанд. Дар баробари ин дар корхона таъмиру барқарорсозии анборҳо идома дорад ва намаки ҷамъшуда дар онҳо захира мешавад. Ба иттилои роҳбари корхона аллакай маҳсулоти истеҳсолгардида бо тамғаи корхона дар вилоятҳои Суғду Хатлон ба фурӯш бароварда шудааст ва мувофиқи дархости соҳибкорон ва корхонаю ташкилот Ҷамъияти саҳҳомии «Хоча Муъмин» имкон дорад ба воситаи нақлиёти худ миқдори зарурии намакро ба харидорон дар муҳлатҳои кутоҳтарин дастрас намояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






