Камбудиҳо ислоҳ мешаванд?

Ноябрь 22, 2013 15:27

Душанбе, 22 ноябр.(АМИТ «Ховар», Марзия Саидова).- Интизор меравад, ки то 1 январи соли 2014 муовини якуми раиси шаҳри Душанбе Насрулло Хайруллоев, раисони ноҳияҳои Сино — Зафар Сафаров, Исмоили Сомонӣ — Аламхон Қурбонов, Шоҳмансур — Самандар Бобоев ва раиси ноҳияи Фирдавсӣ — Саиднуриддин Алиев бинобар ғайриқаноатбахш арзёбӣ гардидани фаъолияташон аз ҷониби вакилони Маҷлиси шаҳрӣ ҷиҳати таъмин накардани меъёрҳои қонунгузории кишвар дар самти танзими нигоҳдошти чорво дар ҳудуди пойтахт аз вазифаашон озод карда хоҳанд шуд. Дар робита ба ин ба шахсони мансабадори мазкур ҷиҳати ислоҳи камбудию норасоиҳо дар фаъолияташон то соли нав муҳлат дода шудааст. Дар холати то 1 январи соли 2014 таъмин накардани Қарори иҷлосияи ҳаждаҳуми Маҷлиси вакилони халқи шаҳри Душанбе “Дар бораи вазифаҳои мақомоти иҷроияи маҳаллии ҳокимияти давлатӣ дар шаҳри Душанбе оид ба татбиқи Қонуни Ҷумҳурии Тоҷикистон “Дар бораи статуси пойтахти Ҷумҳурии Тоҷикистон ” дар самти батанзимдарории нигоҳдошти чорво ва ҳайвонот дар ҳудуди марзиву маъмурии шаҳри Душанбе”, масъалаи фаъолияти минбаъдаи мансабдорони мазкур баррасӣ мегардад.  Назар ба иттилои Шавкат Саидов-котиби матбуотии раиси шаҳри Душанбе, инчунин дар асоси қарори вакилони шаҳрӣ фаъолияти минбаъдаи сардори Раёсати назорати давлатии байтории шаҳри Душанбе Бобишо Қармишев ва директори Маркази назорати давлатии санитарӣ ва эпидемиологии шаҳри Душанбе Зиёвуддин Афғонов дар вазифаи роҳбари аввал матраҳ хоҳад гардид.

Ноябрь 22, 2013 15:27

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд