Китоби рӯимизӣ барои сарбозон

Душанбе, 8 ноябр. (АМИТ «Ховар», Лайло Қосимова). -Кумитаи марказии ташкилоти ҷамъияти мададгори мудофиаи (КМТҶММ)  ҶТ дар доираи «Барномаи давлатии  ҳарбӣ — ватандӯстӣ ва рушди намудҳои ҳарбӣ-амалии варзишӣ байни наврасон ва ҷавонони даъватӣ ва то даъватии Тоҷикистон барои солҳои 2012-2015» китоби рӯимизиеро аз силсилаи адабиёти ватандӯстӣ бо номи «Маърифати ватанхоҳӣ» чоп намуд. Он ҳамчун дастури раҳнамо барои муаллимони фанни дифои ҳарбии мактаббачагони синни тодаъватӣ ва сарбозони қувваҳои мусаллаҳ пешбинӣ гардидааст. Дар китоб роҷеъ ба бунёди артиши миллӣ, қӯшунҳои Қувваҳои мусаллаҳ, оинномаҳои умумии ҳарбӣ, рамзҳои ҶТ маълумот дода шудааст.  Дар қисмати хотимавии китоб шеърҳои ватандӯстӣ ва сурудҳои сарбозӣ ҷой доранд. Китоб бо теъдоди 1000 нусха нашр шуда, дар мактабҳои таҳсилоти ҳамагонӣ, донишгоҳҳо ва  қисмҳои ҳарбӣ ройгон тақсим мегардад. 
Тавре ки  котиби матбуотии ТҶММ Абдурақиб Қодиров хабар дод, ТҶММ ҳамасола чунин китобҳоро нашр мекунад. Соли гузашта маҷмӯаи мақолаҳо дар мавзӯи ватандӯстии рӯзноманигорони ватанӣ  бо номи «Номуси ватандорӣ шукуҳи ватан аст», инчунин буклетҳои тарғиботӣ таҳия ва нашр гардиданд. Дар назар аст, ки дар соли оянда низ ин иқдом идома  ёбад.