Китоби «Роҳ ба сӯи мушорикат»

Душанбе, 20 ноябр. (АМИТ «Ховар»,  Кристина  Эрлих).- Дар  Тоҷикистон китоби  энсиклопедии «Роҳ ба  сӯи  мушорикат», ки  бо  роҳбарии  раиси Палатаи  савдо  ва  саноати  Тоҷикистон  Шариф  Саид  таҳия  шудааст,  аз  чоп  баромад. 
 
Тавре  ки  аз Маркази  матбуоти  Палатаи  савдо  ва  саноати  ҶТ ба  мухбири  АМИТ «Ховар»  хабар  доданд,  дар  ин  китоб  аз  таърихи  таъсису  рушди  Палатаи  савдо ва  саноати  Ҷумҳурии  Тоҷикистон  дар  давраи  аз  соли  2003  то  соли  2013   нақл  карда  мешавад. Мавзӯи  китоб  ҳамчунин  иборат  аз  таҳлили  воқеаҳои   назарраси   ҳаёти   иқтисодии  кишвар  ва Палатаи  савдо  ва  саноат,  мавқеи  фаъоли  он  дар  амри  ҳифзу   дастгирии  ҳуқуқҳои  қонунӣ ва  манофеи   соҳибкорони  тоҷик  аст. 
 
Назар ба  гуфтаи  манбаъ,  дар  китоб  дастовардҳои  палата  тайи  тамоми   фаъолияти  53 – солааш, ки  ба  рушди  иҷтимоию иқтисодии  кишвар  таъсир  расонидаанд,  инъикос  ёфтааст.
 
Ба  фикри  роҳбарияти Палатаи  савдо  ва  саноати  ҶТ,  китоби «Роҳ ба  сӯи мушорикат» барои  доираи  васеи  аҳли  ҷамъияти  кишвар  муфиду   зарур  хоҳад  буд.