Машқи кормандони муассисаҳои мубориза бо маводи нашъаовар

Душанбе, 14 ноябр. (АМИТ «Ховар» Лутфия  Эшонқулова).- Аз  11  ноябр дар  коллеҷи  сарҳадии  САҲА  машқи  кормандони  ниҳодҳои  таҳлилии  муассисаҳои  мубориза бо маводи нашъаовар  ва хадамоти  гумруки Ҷумҳурии  Исломии Афғонистон, Ҷумҳурии  Исломии  Покистон, Ҷумҳурии  Тоҷикистон, ҳамчунин  Маркази  тадқиқоти  стратегии Ҷумҳурии  Қирғизистон дар  мавзӯи «Ҳамгироии таҳқиқу  таҳлили  маълумот» идома дорад.
 
Тавре  ки  аз маркази  матбуоти Агентии  назорати  маводи  нашъаовар  хабар  доданд, мақсад  аз  ин  машқ  баланд  бардоштани  сатҳи  дониши  кормандони   ниҳодҳои таҳлилии мақомоти  ҳифзи  ҳуқуқ,  пайдо  намудани  малака  барои  роҳандозии  тадқиқоти  стратегӣ  бо  истифода  аз  барномаҳои  муосир  ва такмили  донишҳои таҳлилӣ  мебошад. 
 
Иштирокдорони  машқ  як қатор  малакаҳоеро, ки  дар  ҷараёни  иҷлосия  пайдо  намудаанд,  мавриди  истифода  қарор медиҳанд. Ин   ба  онҳо  имкон  медиҳад, ки  натиҷаҳои машқро  муфассал  таҳлил  намоянд.
 
Ин  чорабинӣ, ки  бо  дастгирии Раёсати  СММ  оид ба  маводи  нашъаовар ва  ҷинояткорӣ ва  САҲА  роҳандозӣ  шудааст,  то  22  ноябр  идома  меёбад.