Матбааи ТҶММ ба фаъолият шуруъ намуд

Душанбе, 29 ноябр. (АМИТ «Ховар», Лайло Қосимова). — Дар заминаи Ташкилоти Ҷамъияти мададгори мудофиа матбааи «Ватанпарвар» ба фаъолият шуруъ намуд. Он барои табъу нашри дастуру мавод барои муассисаҳои таълимии ташкилот, инчунин дастуру китобҳои тарғиботӣ, ватандӯстӣ ва дигар маводи чопӣ махсус гардонида шудааст.  Матбаа бо дастгоҳу таҷҳизоти муосири чопӣ муҷаҳҳаз буда, баҳри чопи китобҳо бо сифати баланд ва ороиши ҷолиб омода аст. Тавре ки котиби матбуотии ташкилот Абдурақиб Қодиров хабар дод, инчунин матбаа варақаҳои муҳосиботӣ ва варақаҳои имтиҳонотии ронандагиро барои муасисаҳои таълимии ронандагии тамоми ҷумҳурӣ нашр хоҳад кард.
Матбааи мазкур пас аз гирифтани иҷозатномаи Вазорати фарҳанг ба фаъолият шуруъ менамояд.