Маводи сохтмонии қалбакӣ ошкор гардид

Душанбе, 29 ноябр. (АМИТ «Ховар»).- Мувофиқи маълумоти Агентии «Тоҷикстандарт», соли ҷорӣ се ҳодисаи дар бозорҳои шаҳри Душанбе ба фурӯш баровардани рангҳои қалбакии «Бергер» ва «Атрак» — и сохти Эрон ошкор гардида, 120 қуттии он аз фурӯш бароварда шуд.«Соли гузашта зимни ҳамкорӣ бо мақомоти ҳифзи ҳуқуқ фаъолияти пинҳонкороне, ки маҳсулоташон аз қабили рангу лок ба талабҳои дахлдори стандарти давлатӣ мувофиқат намекард, қатъ гардонида шуд» — зикр намуд сардори Раёсати меъёрҳои техникӣ ва стандартизатсияи Агентии «Тоҷикстандарт» Назрулло Шарифов. Мувофиқи суханони мавсуф, як худи соли гузашта 1597 қуттӣ рангу локи калбакӣ мусодира гардида, айбдорон ба ҷавобгарии маъмурӣ кашида шуданд.