Муҳокимаи масоили бахши зилзилашиносӣ

Душанбе, 18 ноябр. (АМИТ «Ховар»).- Чанде пеш дар шаҳри Душанбе мулоқоти Вазири корҳои хориҷии Тоҷикистон Ҳамрохон Зарифӣ бо намояндагони Вазорати энергетика, Хадамоти геологӣ ва Пажӯҳишгоҳи тадқиқоти илмии ИМА баргузор гардид. Тавре ки аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, дар ҷараёни мулоқот доираи васеи масоили дуҷониба, аз ҷумла рушди минбаъдаи ҳамкории байни Академияи илмҳои ҶТ ва муассисаҳои дахлдори ИМА дар бахши зилзилашиносӣ табодули таҷриба ва такмили ихтисоси мутахассисону олимони ҷавони ҳар ду кишвар мавриди муҳокима қарор гирифтанд.