Муаррифии лоиҳаи «Бунёдкорони оянда»

Душанбе, 4 ноябр. (АМИТ «Ховар», Анна  Мошенко).- Чанде  пеш  дар  шаҳри  Душанбе  конфронс  бахшида ба  муаррифии  лоиҳаи «Бунёдкорони оянда» баргузор гардид. Иштирокдорони   конфронс  пешниҳод  намуданд, ки  озмун барои  маблағгузории  бебозгашти  тадқиқоти  илмии  бахши  иҷтимошиносӣ ва  маркетинг  роҳандозӣ  шавад. 
 
Ин  чорабинӣ  бо  ибтикору  маблағгузории  Маркази  тадқиқоти  иҷтимошиносии «Зеркало» рӯи  кор оварда  мешавад. Мақсад  аз   лоиҳа  дар  амал татбиқ  намудани  меъёрҳои  қонун «Дар  бораи тарбияи   мутахассисон бо  назардошти  талаботи  бозори меҳнат»  ва  мусоидат  ба  донишкадаҳои  олии  гуманитарии   шаҳри  Душанбе ба  манзури  иҷрои Стратегияи  рушди  Ҷумҳурии  Тоҷикистон  ва  ҳуҷҷатҳои  дигари   стратегии Ҳукумати  ҶТ  мебошад.
 
Лоиҳаи  мазкур  расонидани  ёрӣ  ба   донишкадаҳои олии   гуманитарии   шаҳри  Душанбе барои афзун  намудани  имкониятҳои   илмии   онҳо бо  татбиқи  муштараки   лоиҳаҳои  тадқиқоти  илмии   бахши  таҳлили  маркетингӣ мебошад.
 
Баъди татбиқи  лоиҳа маҷмӯаи  тадқиқоти  илмию  амалӣ,  ҳамчунин  маводи бахшида ба  ташкилу  тадқиқот  интишор мешавад.