Мулоқоти Ҳироюки Имаҳаши бо Қоҳир Расулзода
Хуҷанд, 21 ноябр. (АМИТ «Ховар», Зарангези Латиф).-Дирӯз раиси вилояти Суғд Қоҳир Расулзода Сафири Ҷумҳурии Ҷопон дар Ҷумҳурии Тоҷикистон Ҳироюки Имаҳаширо ба ҳузур пазируфт. Ҷонибҳо зимни мулоқот густариши равобит миёни Тоҷикистону Ҷопонро мавриди баррасӣ қарор дода, барои вусъати ҳамкориҳо дар оянда изҳори омодагӣ намуданд. Қоҳир Расулзода бо ишора ба пешрафтҳои технологии кишвари Ҷопон изҳор дошт, ки мақомоти иҷроияи ҳокимияти давлатии вилоят барои ҳамкорӣ бо ин кишвари пешрафтаи Осиё ҳамеша омода аст. Дар ҷараёни суҳбат таъкид гардид, ки солҳои охир муносибатҳои Тоҷикистону Ҷопон ба марҳилаи тоза ворид гардидаанд ва ҷониби Ҷопон дар даҳсолаи охир 50 лоиҳаи гуногунсамтро бобати таъмиру барқарорсозии мактабу пулҳо, бунгоҳҳои тиббӣ ва бо оби нӯшокӣ таъмин намудани сокинони шаҳру навоҳии вилоят ба иҷро расонидааст. Гуфта мешавад, ки Ҳироюки Имаҳаши зимни сафари кории худ ба вилояти Суғд дар маросими ба анҷом расидани якчанд лоиҳа дар шаҳрҳои Исфараву Конибодом ва ноҳияи Зафаробод иштирок хоҳад кард.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
