Мусобиқаи баскетбол миёни бонувон дар Душанбе

Душанбе, 16 ноябр. (АМИТ «Ховар», Фарзона Ащӯрмадова).- Имрӯз, 16- уми ноябри соли  равон дар мактаби варзишии махсуси кӯдакону наврасони захираҳои олимпии №35 шаҳри Душанбе  мусобиқаи ҷумҳуриявии   баскетбол  миёни бонувон баргузор мегардад.
Мусобиқаи мазкур бахшида ба Рўзи Парчами давлатӣ доир гашта, дар он бонувони соли таваллуди 1989 ва аз ин хурд иштирок мекунанд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар  чорабинӣ иштироки ҳайати дастаҳои вилоятҳои Суғд, Хатлон, ВМКБ, шаҳру ноҳияҳои тобеъ, минтақаи Рашт  ва шаҳри Душанбе дар назар аст.