Нафақахӯр дар сӯхтор ба ҳалокат расид

Душанбе, 19 ноябр. (АМИТ«Ховар», Лайло Қосимова). -18 ноябри соли 2013 соати 15-10 дақиқа дар чарогоҳи хоҷагии деҳқонӣ, мансуб ба Амирҷон Икромов, воқеъ дар ҷамоати деҳоти Чагами ноҳияи Шўроободи вилояти Хатлон сўхтор ба амал омад. 
Ҳангоми ба маҳалли ҳодиса расидани 3 адад нақлиёти сўхторхомўшкунӣ дар масоҳати 30 гектар алафҳои худрӯйро алангаи оташ фаро гирифта, дар ҷойи ҳодиса нафақахӯри 84- сола Аҳмад Фахриддинов ба ҳалокат расида буд. Оташнишонон роҳҳои паҳншавии сўхторро пешгирӣ намуда, оташро дар давоми 6 соат пурра хомўш намуданд. 
Тавре ки аз Хадамоти давлатии оташнишонӣ хабар доданд, нисбат ба ҳодисаи ба амал омада, тафтишот оғоз гардида, сабаб, гунаҳгор ва зарари моддии сӯхтор  муайян мешавад.