Нахустин майдончаи варзишии донишгоҳ

Ноябрь 4, 2013 16:20

Душанбе,4 ноябр. (АМИТ «Ховар», Раъно Нусратуллоева).-Дар назди кафедраи тарбияи ҷисмонии Донишгоҳи давлатии омӯзгории Тоҷикистон ба номи С.Айнӣ 2-юми ноябри соли равон майдончаи варзишӣ барои бозии футболи хурд мавриди истифода қарор гирифт. Тавре ки котиби матбуоти Донишгоҳи омӯзгорӣ Бахтиёри Абдураҳим иттилоъ дод, дар расми ифтитоҳи майдончаи мазкур ректори донишгоҳ Абдуҷаббор Раҳмонов зикр намуд, ки тӯли бештар аз 80 соли мавҷудият донишгоҳ нахустин маротиба соҳиби майдон гардид. То ин замон донишҷӯён барои мусобиқоти футбол ба Донишкадаи тарбияи ҷисмонӣ мерафтанд. Яке аз эродҳое, ки комиссияи аттестатсияи давлатӣ зимни санҷиш гирифт, маҳз набудани  майдончаи варзишӣ буд. Инак, дар ин майдон донишҷӯён метавонанд бемалол миёни ҳам сабқат намоянд.
А.Раҳмонов сохтмони майдончаро ҳамчун амалинамоии сиёсати пешгирифтаи Президенти Ҷумҳурии Тоҷикистон  Эмомалӣ Раҳмон дар самти варзиш арзёбӣ кард. 
Сипас, бахшида ба Рӯзи Сарқонуни мамлакат нахустин мусобиқаи футболи хурди дӯстона миёни факултаҳо доир гардид. Сабқат миёни дастаҳои духтаронаи факултаҳои иқтисодиёт ва идора дар соҳаи маориф ва забони англисӣ, таърих ва филологияи тоҷик, ҳамзамон, дастаҳои писаронаи факултаҳои таърих ва забонҳои романӣ-германӣ баргузор шуд.
Мусобиқа байни дастаҳои духтарона мусовӣ ва миёни дастаи писарона 1-0 бар манфиати дастаи факултаи забонҳои романӣ-германӣ анҷом ёфт.

Ноябрь 4, 2013 16:20

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд