Намоиши хотимавии «Мастер ва Маргарита»

Душанбе, 20 ноябр. (АМИТ «Ховар», Анна  Мошенко).-  19  ноябр  Театри  мустақили  Маскав  дар Театри  Опера  ва  балети  ба  номи  С.Айнӣ  намоишномаи  «Мастер  ва  Маргарита»  — ро  манзури  тамошобинон  намуд. Коргардони  намоишнома  Ҳунарпешаи  мардумии  Русия  Валерий Белякович  буда,  оҳангҳои  он  ба  бастакор Сергей  Манченко тааллуқ  доранд. 
 
Дар намоишнома   нақшҳои  асосиро  ҳунарпешагони  маъруфи  Русия  Владимир  Филатов,  Наталя Гончарова,  Ҳунарпешаи  мардумии  Русия  Владимир  Стеклов иҷро  намуданд.
 
Театри  мустақили  Маскав соли  2003  таъсис  ёфта,  15  ноябри ҳамон  сол бори  нахуст  намоишномаи  «Мастер  ва  Маргарита» — ро  аз  рӯи  достони  Михаил  Булгаков  манзури  ҳаводорони  санъат   намуда буд. Ин  намоишнома  беш  аз  700 маротиба   дар  кишварҳои  мухталифи  ҷаҳон  намоиш дода шудааст.