Натиҷагирии ТТД дар Тоҷикистон

Душанбе, 21 ноябр. (АМИТ «Ховар», Фарзона Ашӯрмадова).- Барои эълони натоиҷи тадқиқоти миллии тиббӣ — демографӣ барои соли 2012 дар Душанбе нишаст доир гардид, ки дар кори он Сафири ИМА Сюзан Эллиотт, инчунин роҳбари ҳайати минтақавии USAID оид ба кишварҳои Осиёи марказӣ сафир Ҷонатан Эддлтон, мудири шуъбаи тандурустӣ оид ба масоили занон ва оилаи дастгоҳи иҷрояи Президенти Ҷумҳурии Тоҷикистон Лола Бобохоҷиева, директори Агентии омор Бахтия Муҳаммадиева ва муовини аввали вазири тандурустии Тоҷикистон Саида Ҷобирова иштирок намуданд. Тадқиқоти тиббию демографӣ (ТТД), ки аз тарафи USAID дастгирӣ шудааст, ба ашхоси масъули Ҳукумати Тоҷикистон, ки дар қабули тасмим саҳм доранд ва шарикони байналмиллалӣ маълумоти омории дақиқ ва ниҳоӣ роҷеъ ба вазъи саломатии аҳолӣ пешниҳод мекунад, зикр намуд Сафир Эллиотт дар нишасти мазкур. Тадқиқоти умумимиллӣ аз ҷониби Агентии ИМА оид ба рушди байналмилалӣ (USAID) маблағгузорӣ шуда, тавассути Aгентии омори назди Президенти Тоҷикистон дар ҳамоҳангӣ бо Вазорати тандурустии Ҷумҳурии Тоҷикистон амалӣ гаштааст. Ҳадафи аслии ТТД ҷамъ кардани маълумот оид ба саломатии модару кӯдак, зӯроварӣ дар оила, фаҳмиши мардум оид ба бемориҳои БНМО/АНМО ва сил иборат аст. Тадқиқоти мазкур зиёда аз 6,400 хонаводаро дар бар гирифта ва бо 9,600 зани аз 15 то 49-сола мусоҳиба анҷом дода шуд.