Омодагии участкаи интихоботии №43 дар Ярославл

Душанбе, 5 ноябр (АМИТ «Ховар, Л. Қосимова).- Участкаи  интихоботии вилояти Ярославл барои дар сатҳи баланд ва озодона гузаронидани интихоботи Президенти ҶТ рӯзи  6 ноябри соли 2013 омода буда, муҳоҷирони меҳнатӣ ва тоҷикони муқимии шаҳри Ярославлро барои иштирок дар ин чорабинии муҳими сиёсӣ даъват менамояд.
Бояд зикр намуд, ки интихобот дар бинои Донишгоҳи давлатии технологии Ярославл баргузор мегардад.
Толоре, ки дар он овоздиҳӣ демократию пинҳонӣ сурат мегирад, дар асоси меъёрҳо ва муқаррароти Комиссияи марказии интихобот ва раъйпурсии Ҷумҳурии Тоҷикистон таҷҳизонида шудааст.
Дар ин бора ба АМИТ «Ховар» аз шуъбаи робита бо ҷомеаи Хадамоти муҳоҷирати назди  Ҳукумати Ҷумҳурии Тоҷикистон хабар доданд.