Овоздиҳии беш аз 80 фоизи интихобкунандагон

 Душанбе, 6 ноябр. (АМИТ «Ховар», Бекназари Абӯбакр). – То соати 18:00 санаи 6 ноябри соли 2013 мутобиқи маълумоти ирсолнамудаи ҳавзаҳои интихоботӣ 3 миллиону 380 ҳазору 68 нафар дар маъракаи интихоботи Президентӣ иштирок намуда, раъйи хешро ба номзади мавриди таваҷҷуҳ додаанд. 
Роҳбари дастгоҳи Комиссияи марказии интихобот ва раъйпурсии Ҷумҳурии Тоҷикистон Абдуманнон Додоев дар ин бора иттилоъ дода, гуфт, ки шумораи зикргардида 80,3 фоизи умумии интихобкунандагонро дарбар мегирад. 
Ба иттилои А. Додоев натиҷаҳои пешакии расмии овозҳои гирифтаи номзадҳо 7 ноябр эълон хоҳад шуд.