Озмун давом дорад

Душанбе, 14 ноябр. (АМИТ «Ховар»).- Намояндагии  Хазинаи  рушди  «Пажӯҳишгоҳи  тадқиқоти  АвруОсиё»  дар  Тоҷикистон  аз  оғози  соли  таҳсил  дар  бораи  гузаронидани  озмунҳои  донишҷӯён  ба  номи  Дмитрий  Менделеев  ва   ба  номи  Михаил  Ломоносови  донишкадаҳои олии  асосии  кишвар  хабар  дод.
 
Тавре  ки  аз  хазинаи  мазкур   хабар  доданд,   барои   иштирок   дар  озмун  довталабон  бояд  забони русиро  хуб  донанд,  дар  ҳаёти  ҷамъиятии   донишкадаи  олӣ  фаъолона  иштирок  намоянд,  ба  тадқиқоти  илмӣ  машғул  шаванд  ва  ғолиби  ягон озмун  ё  олимпиада  бошанд.
 
Имсол   озмунҳо  дар  байни  донишҷӯёни  Донишгоҳи  миллии  Тоҷикистон, Донишгоҳи  давлатии  омӯзгории Тоҷикистон  ба  номи  С.Айнӣ, Донишкадаи   давлатии забонҳои  Тоҷикистон  ба  номи  С. Улуғзода  эълон  шуда буданд. Дар  озмунҳо  ҳамчунин  донишҷӯёни  Донишгоҳи  давлатии  тиббии Тоҷикистон ба  номи  Абуалӣ  ибни  Сино,  Донишгоҳи  техникии  Тоҷикистон  ба  номи  М.Осимӣ, Донишгоҳи давлатии  Хуҷанд ба  номи  Б.Ғафуров,  Донишкадаи  политехникии  Хуҷанд ба  номи  М.Осимӣ  ва Донишгоҳи давлатии Хоруғ ба  номи  М. Назаршоев   иштирок  менамоянд. 
 
То имрӯз  10  нафар  донишҷӯёни беҳтарини  ҷумҳурӣ  ғолибони  озмунҳо  ғардидаанд. Ғолибони  озмунҳо  дар тамоми  давраи  таҳсилот  ҳар  моҳ  чун  мукофот  ҳар  кадом  сад  долларӣ мегиранд.
 
Ҳукумати  кишвар тасмим  гирифта буд, ки  аз  моҳи  сентябри  соли  2012  байни  донишҷӯён   озмун  эълон  намуда  ва  ба  онҳо  имкон  диҳад, ки донишу  малакаҳои  худро  афзун  намоянд. То  имрӯз  20  нафар  донишҷӯёни  донишкадаҳои олии  кишвар ҷоизони  озмунҳои  ба  номи  Михаил  Ломоносов   ва  Дмитрий  Менделеев  гардидаанд.