Пасандозҳои шахсони воқеӣ афзуданд

Душанбе, 25 ноябр. (АМИТ«Ховар», Лайло Қосимова). -Бақияи пасандозҳо дар интиҳои моҳи октябри соли равон нисбат ба ҳамин давраи соли қаблӣ 13 фоиз афзуд. Таркиби бақияи пасандозҳо ба таври зайл тақсимбандӣ шудааст: 1’874,2 млн. сомонӣ (ё 35,0 фоиз)-ро пасандозҳои шахсони ҳуқуқӣ ва 3’475,5 млн. сомонӣ (ё 65,0 фоиз)-ро пасандозҳои шахсони воқеӣ ташкил доданд, ки нисбат ба ҳамин давраи соли қаблӣ мутаносибан 2,2 фоиз кам ва 23,3 фоиз зиёд шудаанд. Тавре ки аз хадамоти матбуоти Бонки миллии Тоҷикистон хабар доданд, дар моҳҳои январ-октябри соли ҷорӣ фоизҳои миёнавазни пасандозҳо бо пули миллӣ 15,74 фоиз ва бо асъори хориҷӣ 11,44 фоизи солонаро ташкил намуданд, ки назар ба ҳамин давраи соли гузашта мутаносибан 0,05 фоиз ва 1,6 фоиз паст мебошад.