Пешгирии зӯроварӣ дар оила

Ноябрь 1, 2013 09:42

Душанбе, 1 ноябр. (АМИТ «Ховар, Л. Қосимова).- Дар назди Кумитаи кор бо занон ва оилаи назди Ҳукумати Ҷумҳурии Тоҷикистон ҷиҳати таҳияи лоиҳаи Барномаи давлатии «Пешгирии зўроварӣ дар оила барои солҳои 2014-2023» гуруҳи корӣ аз ҳисоби намояндагони вазорату идораҳои Ҷумҳурии Тоҷикистон ва ташкилотҳои ҷамъиятии маҳаллӣ таъсис дода шудааст.31 октябри соли равон дар маркази “Вефа” лоиҳаи мазкурро муаррифӣ намуданд. Дар муаррифӣ муовини раиси Кумитаи кор бо занон ва оилаи назди Ҳукумати ҶТ Марҳабо Алимова, аз Ташкилоти СММ Барно Муҳаммадиева, роҳбари СММ «Нуфузи аҳолӣ» Азиза Ҳамидова, роҳбари лоиҳаи «Пешгирии зӯроварӣ дар оила» Алфреда Забиета, намояндагони сохторҳои давлатӣ ва ташкилотҳои байналмилалию ҷамъиятӣ иштирок намуданд. Лоиҳаи Барномаи давлатии «Пешгирии зўроварӣ дар оила барои солҳои 2014-2023» аз ҷониби гуруҳи корӣ таҳия гардидааст, ки мақсади асосии барномаи мазкур танзими ҳуқуқии муносибатҳои ҷамъиятӣ вобаста ба пешгирии зӯроварӣ дар оила буда, вазифаҳои субъектҳои пешгирикунандаи зӯроварӣ дар оиларо доир ба пешгирӣ, ошкор ва бартарафсозии сабаб ва шароитҳои ба он мусоидаткунанда мушаххас менамояд. Дар чорабинӣ иштирокчиён дар атрофи лоиҳа баҳсу мунозираҳо намуда, оид ба мукаммал намудани он пешниҳодҳои худро ироа карданд.Бояд зикр намуд, ки дирӯз барои баррасии лоиҳаи ин барнома раиси кумита Сумангул Тағоева ба вилояти Суғд сафар намуд. Дар назар аст, ки 2 ноябри соли ҷорӣ лоиҳаи мазкур бо иштироки намояндагони вазорату идораҳо, сохторҳои маҳаллӣ дар шаҳри Хуҷанд низ баррасӣ гардад.

Ноябрь 1, 2013 09:42

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд