Саҳми Комплекси агросаноатӣ ба бозори маводи ғизоии ИДМ
Душанбе, 27 ноябр. (АМИТ «Ховар»).- Сафири Тоҷикистон дар Ҷумҳурии Беларус, Намояндаи ваколатдори доимии Ҷумҳурии Тоҷикистон дар мақомоти оинномавӣ ва мақомоти дигари ИДМ Қозидавлат Қоимдодов 26 ноябр дар ҷаласаи Шӯрои байниҳукуматӣ оид ба масоили Комплекси агросаноатии ИДМ иштирок намуд. Қозидавлат Қоимдодов зимни суханрониаш фаъолияти муваффақонаи Шӯрои байниҳукуматиро хотирнишон сохта, зикр намуд, ки бахши агросаноатии Тоҷикистон ба иқтисодиёти давлат саҳми бузург гузошта ва барои ташаккул ёфтани бозори маводи ғизоии Иттиҳод фаъолона кор мекунад. Қариб 70 фоизи аҳолии кишвар дар деҳот зиндагӣ карда, вазни қиёсии комплекси агросаноатӣ дар маҷмӯи маҳсулоти дохилии кишвар беш аз 25 фоизро ташкил медиҳад.Дар кишвар суръати баланди истеҳсоли маҳсулоти кишоварзӣ ба назар мерасад. Ҳаҷми маҳсулоти кишоварзӣ тайи 9 моҳи соли 2013 нисбат ба ҳамин давраи соли гузашта баробари 9,3 фоиз афзуд. Дар ҳамин давра ҳаҷми истеҳсоли маҳсулоти растанипарварӣ баробари 10,8 фоиз ва маҳсулоти бахши чорводорӣ баробари 5,9 фоиз зиёд шуд.Сабаби фаровонии ҳосили ғалла, картошка, сабзавот ва зироатҳои дигари кишоварзӣ истифодаи технологияҳои баланди парвариши зироат ва шароити мусоиди иқлим мебошад. Аз рӯи ҳамаи масоили марбут ба Комплекси агросаноатии Иттиҳод қарорҳои дахлдор қабул шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






