Шахсияти тоҷикони кушташуда маълум шуд

Ноябрь 18, 2013 11:51

Душанбе, 18 ноябр. (АМИТ «Ховар», Марҳабо Зунунова).- Тавре ки аз Сафорати Ҷумҳурии Тоҷикистон дар Федератсияи Русия хабар доданд, Консулгарии генералии Тоҷикистон дар Екатеринбург шахсияти шаҳрвандони Ҷумҳурии Тоҷикистонро, ки дар ноҳияи Сосновски шаҳри Челябинск кушта шуда буданд, маълум намуд. Онҳо сокинони деҳаи Муғиёни ноҳияи Панҷакент Абдуманнон Сангинбоев ва Сайриддин Мутрифов будаанд. Мувофиқи суханони консули генералии Ҷумҳурии Тоҷикистон дар Екатеринбург Парвиз Асоев, алҳол чанде аз шаҳрвандон бо гумонбари ин ҷинояткорӣ боздошт шуда ва масъалаи таҳти назорат гирифтани онҳо баррасӣ мешавад. Тафтишот муқаррар намуд, ки сабаби ин ҷиноят мақсадҳои ғаразнок будааст.Тавре ки намояндаи расмии Сафорати Тоҷикистон дар Федератсияи Русия Муҳаммад Эгамзод қайд намуд, Сафири ҶТ дар ФР Абдулмаҷид Достиев ба сохторҳои махсуси дипломатӣ дар шаҳрҳои Маскав ва Екатеринбург дастур дод, ки зимни ҳамкорӣ бо роҳбари ҷамоаи тоҷикон дар вилояти Челябинск, аъзои Шӯрои ҷамъиятии назди Сафорати ҶТ дар ФР Исломиддин Раҷабов ҳалли масоили ба Ватан фиристодани ҷасади шаҳрвандони кишварро тезонанд. Хотирнишон месозем, ки 12 ноябри соли равон дар яке аз биноҳои наздики шаҳри Челябинск ҷасади ду нафар шаҳрвандони Ҷумҳурии Тоҷикистон пайдо гардида буд.

Ноябрь 18, 2013 11:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд