Сўхтор дар мактаб
Душанбе, 14 ноябр. (АМИТ«Ховар», Лайло Қосимова). -13 ноябри соли равон ҳангоми риоя нагаштани талаботи қоидаҳои бехатарӣ аз сўхтор ҳангоми истифодаи печкаи ангиштсўз соати 19-30 дақиқа дар мактаби таҳсилоти миёнаи умумии №32 деҳаи Қаракенҷаи ҷамоати деҳоти Муксуи ноҳияи Ҷиргатол сўхтор ба амал омад. Дар вақти ба маҳалли ҳодиса расидани оташнишонон дар масоҳати 42 метри мураббаъ шифт ва боми бинои мактабро оташ фаро гирифта буд. Дар натиҷаи амалиёти фаврии тактикию оташнишонӣ кормандони Хадамоти давлатии оташнишонӣ (ХДО) роҳҳои паҳншавии алангаи оташро пешгирӣ карда, сўхторро хомўш намуданд. Мувофиқи иттилои коршиносони ХДО ВКД зарар аз сўхтор 5000 сомонӣ буда, маблағи молу мулки аз нобудшавӣ нигоҳдоштаи оташнишонон 500 000 сомониро ташкил медиҳад. Барои муайян намудани гунаҳгори ҳодиса аз тарафи мутахассисони соҳа таҳқиқ бурда мешавад. Тавре ки аз хадамоти матбуоти Хадамоти давлатии оташнишонии ВКД ҶТ хабар доданд, ҳолати бехатарӣ аз сўхтори мактаби мазкур то оғози соли нави хониш ба таври мукаммал аз тарафи нозирони хадамот санҷида шуда, ба директори он Нусрат Икромов амрномаи мақомоти назорати давлатии бехатарӣ аз сўхтор бо як силсила пешниҳодҳои муҳими зиддисўхторӣ супорида шуда буд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






